96
REGISTRES DU BUREAU
[i Bou]
Après, mess™ des Comptes, mess™ du Tresor et mess™ les Generaulx des Monnoyes et tous leurs officiers, allerent aussi faire la reverance à lad. Dame.
Après, monsr le Chancelier et mess™ de la Court de Parlement en robe d'escharlate, et autres offi­ciers de lad. Court, allerent aussi faire la reverance tous aud. lieu de la Chappelle.
Et environ unze heures lad. Dame monta en sa litière, et arriva à lad. porte Saint Denis, environ midi. Sur laquelle porte y avoit ung beau et riche mistere d'un grant cueur representant le cueur de Paris, ouquel avoit deux personnages, c'est assavoir Loyaulté et Honneur; et estoit led. cueur soustenu par trois personnages, c'est assavoir Justice, Clergié et Comun. Et y avoit ung acteur qui disoit ce qui s'ensuit :
Tout noble cueur en qui gist feaulté Doit à sa Dame honneur et loyaulté;
Par quoy Paris la cité capitale
Euvre son cueur d'une amour cordialle
Pour recevoir la noble royaulté !
Ce cueur humain, excellant en beaulté, Veult resjouyr la noble majesté De sa Dame, princesse principalle, Obeyssant d'une amour filialle;
Car noble cueur en qui gist feaulté Doit à sa Dame honneur et loyaulté.
Par Justice est mis en auctorité, Clergié Ie tient en vraye transquilité, Et le Commun mect sa puissance totalle Le soustenir de voulenté royalle.
Tout noble cueur en qui gist feaulté Doit à sa Dame honneur et loyaulté.
Item, à la fontaine du Ponceau(1' y avoit la repré­sentation d'un petit enffant nu, de la haulteur de deux piez ou environ, richement paint, par lequel couloit lad. fontaine.
Item, devant la Trinité'2' y avoit ung mistere de la Transfiguration Nostre Sr et autres misteres de la Passion, qui fut fait par les maistres de lad. Passion. Et illec mesd. s™ les Eschevins baillèrent led. ciel aux quatre maistres de la marchandise de Draperie.
Item, à la vieille porte Saint Denis'3' y avoit ung autre mistere des Cinq Annes qui sont trouvez en l'Ancien Testament, avec lesquelles on adjoustoit Anne, noble royne de France, pour les vertus et biens qui sont en elle. Et y avoit ung personnage pour de-clerer les choses dessusd., qui disoit en substance ce qui s'ensuit :
Cinq Dames sont au Saint Escript trouvées : Nommées Anne, très justes esprouvées;
Heleazar print l'une en mariage,
Dont fut produit Samuel, l'enfant saige.
La deuxiesme, femme du vielz Thobie, De charité et de pitié remplie.
La treiziesme fut mere de Sarra, Thobie le jeune par grace l'espousa.
La quatresme, prophetisse fut dicte, Car la venue de Crist avoit predicte.
La cinquiesme fut mere de Marie, Vierge pucelle, qui le doulx fruit de vie Par grace Dieu enfanta dignement.
Ces cinq Dames ont vertueusement
Durant leur temps regne sans quelque doubte.
Avec elles la sixiesme on adjousté :
C'est dame Anne, noble royne de France,
Qui son peuple preserve de souffrance.
Ilem, devant Saint Leu Saint Gilles'4', lesd, mais­tres de la marchandise de Draperie baillèrent led. ciel aux quatre maistres de la marchandise d'Espi-cerie.
Item, à la fontaine Saint Innocent '5' y avoit ung autre mislere des Trois Roys qui vinrent aorer
O Cette fontaine existait dès 1389. --e a Por~- indistinctement le nom de fontaine du Ponceau ou de la rue des Égouts, tirés l'un et l'autre de sa proximité du ponceau qui traversait les marais (devenus égouts) des courtilles du Temple et de Saint-Martin-des-Champs.
(2)   Voir ci-dessus page 68, note 1.
(3)   La "vieille porte Saint Denis,» dite aussi «porteaux Peintres,» s'élevait près de l'impasse de ce nom encore existante aujour­d'hui, à l'intersection des rues actuelles de Turbigo et Aux Ours. Elle faisait partie de l'enceinte de Philippe-Auguste, ainsi que Ia «faulse porte de la rue de Montorgueil» dont il est question ci-dessus, art. CLVI.
(*) L'église de ce nom existe encore.
(5) Cette fontaine, dite aujourd'hui "des Innocents,» était placée alors à l'angle des rues Saint-Denis et Aux Fers.